2022 жылы президент Қасым Жомарт Тоқаев Республика күнін қайтарып, мемлекет басшысы ретінде «ұлттық мереке» мәртебесін беріп, Қазақстанның басты мейрамы ретінде атап өтуді ұсынған болатын. Сөйтіп былтыр Қазақстан халқы ұзақ жылдар бойы атаусыз қалған Республика күнін алғаш рет дүркіретіп атап өтті.
Осы мереке қарсаңында М.Сералин атындағы мектеп оқушыларымен «Егемендік-елдігім, Тәуелсіздік-теңдігім» атты мерекелік іс-шара болып өтті.
Балаларға Республика күнінің тарихын түсіндіре отырып, еліміздегі жалғыз «ұлттық мереке» екенін естеріне сала кеттім.
Іс-шара барысында оқушылар Ж.Нәжімеденов, М.Мақатаев, М.Шаханов сияқты тағы да басқа ақын-жазушылардың «Отан, Туған ел, Туған жер» туралы жазған шығармаларын тебірене оқыды. Оқушылардың Отанға деген сүйіспеншілігі артты. | 