Жыл сайын 31 мамырда Қазақстанда саяси қуғын-сүргін құрбандарын еске алу күні атап өтіледі. Қарабалық ОКЖ кітапханаларында осы тақырыпта түрлі іс-шаралар өткізілді. Бөрлі ауылдық кітапханасында "Жазылмайтын жара" кітап көрмесі, Есенкөл ауылдық кітапханасында – "Тарихтың қайғылы беттері", Михайлов кітапханасында қатысушылар үшін 30-шы жылдардағы жаппай қуғын-сүргін туралы деректі және көркем материалдары бар "Тарихымыздың қайғылы күні" кітап көрмесі ұйымдастырылды. Көрмелерде ұсынылған басылымдар оқырмандарды халық жауларының істері қалай жасалғаны, жауап алу және репрессия қалай жүргізілгені туралы таныстырады. Кітапханашылар өз әңгімелерінде бұл күні мыңдаған адам негізсіз қуғын-сүргінге ұшырап, қылмыс жасады деп айыпталып, еңбекпен түзеу лагерлеріне, жер аударылуға жіберіліп, өмірлерінен айырылған ел тарихындағы қайғылы беттер туралы еске салатынын айтты.
Өткен ғасырдың басында Қазақстан 5 млн. астам адам үшін пана болды. Олардың арасында ғалымдар, мәдениет, саяси және қоғам қайраткерлері болды. Саяси қуғын-сүргін құрбандарын еске алу күні қазақ халқының өткенін еске алуға, Қаза тапқандарды еске алуға, өз тәуелсіздігін бағалауға көмектеседі. Тарихтың осы қайғылы кезеңі және жазықсыз сотталғандар мен зардап шеккендердің есімдері біздің есімізде мәңгі қалады. |
