29 мамырдан 6 маусымға дейін Қарабалық аудандық балалар кітапханасында «Тарих аясындағы үш таңба» атты кітап көрмесі-шолу жұмыс істейді. Көрмеге еліміздің Мемлекеттік рәміздері туралы кітаптар, баспа басылымдар, ақпараттық папкалар, буклеттер қойылды. 4 маусымда Қазақстан Республикасының Мемлекеттік рәміздері күні кітапхана оқырмандарымен тақырыптық баспа басылымдарына қысқаша шолу жасалып, заң құжаттарымен таныстырылды. Балаларды «Қазақстан Республикасының Мемлекеттік рәміздері туралы» заңымен таныстырды. Бұл құжат Мемлекет рәміздерін сипаттайды және оларды қашан, кім және қалай пайдалануға болатынын анықтайды. Күн бойы оқырмандармен викториналар өткізіп, балалар біздің мемлекетіміздің тарихы бойынша жақсы білімдерін көрсетті.
4 маусымда әлеуметтік желілерде Балалар кітапханасының беттерінде «Біздің мақтанышымыз» атты ақпараттық бейнеролик жарық көрді.
|
