Қарабалық аудандық ОКЖ

«Екі тағдыр – бір сахна»

biblioteka — Fri, 02 Oct 2026 12:10:54 GMT

«Есімдер мен тағдырлар» жобасы аясында көрнекті жерлестер – Сералы Қожамқұлов пен Қапан Бадыровқа арналған «Екі тағдыр – бір сахна» атты тақырыптық іс-шара өтті.

Іс-шараға қатысушылар Қарабалық жерінде туған екі атақты жерлестің өмірі мен шығармашылығына шағын экскурсия жасады. Жас айырмашылығына қарамастан, олардың тағдырлары бір-бірімен тығыз байланысты болды: екеуін де туған өлке, Орынборда оқу және өнерге деген сүйіспеншілік біріктірді. 1925 жылы олардың шығармашылық жолдары Қызылорда қаласында қиылысып, алғашқы кәсіби қазақ театры құрылды.

Кездесу барысында Сералы Қожамқұлов пен Қапан Бадыровтың өмірбаянынан қызықты деректер айтылды, олардың жарқын театрлық және кинематографиялық бейнелері ұсынылды, әртістердің кәсіби қалыптасуы мен ұлттық мәдениеттің дамуына қосқан үлесі туралы айтылды.

Іс-шара соңында Қарабалық мұражайының қызметкерлері қатысушыларды көрнекті жерлестерге арналған бұрышпен таныстырды. Мұнда олардың өмірі, шығармашылық жолы және туған өлкесімен байланысы туралы фотосуреттер, құжаттар және басқа материалдар ұсынылған.

Іс-шара көрнекті жерлестеріміздің есімін қайта жаңғыртуға, отандық өнер тарихына үңілуге және олардың бай шығармашылық мұрасын болашақ ұрпаққа аманаттауға мүмкіндік берді.

«Бір ел — бір кітап»

biblioteka — Fri, 02 Oct 2026 04:56:56 GMT

«Бір ел — бір кітап» республикалық акциясы аясында Приреченка ауылдық кітапханасында Қабдеш Жұмаділовтың «Тағдыр» романына арналған «Бір ел — бір кітап» көрме-шолуы өтті.

Көрмеде Қабдеш Жұмаділовтың шығармалары, сондай-ақ жазушының өмірі мен шығармашылығы туралы ақпараттық материалдар ұсынылды.

Іс-шараға кітапхана оқырмандары қатысты. Кітапханашы қатысушыларды романның мазмұнымен таныстырды, шығарманың негізгі оқиғалары мен оның кейіпкерлері туралы айтты. Осыдан кейін роман, оның тарихи тақырыбы мен негізгі идеялары белсенді талқыланды.

Өткізілген іс-шара оқырмандарға Қабдеш Жұмаділовтың шығармашылығымен жақынырақ танысуға, сондай-ақ «Тағдыр» романында көрсетілген қазақ халқының тарихы мен тағдыры туралы көбірек білуге мүмкіндік берді.

«Бір ел — бір кітап» акциясы. Қабдеш Жұмаділов «Тағдыр»

biblioteka — Thu, 01 Oct 2026 12:12:39 GMT

«Бір ел — бір кітап» республикалық акциясы аясында Бөрлі ауылдық кітапханасында белгілі қазақ жазушысы Қабдеш Жұмаділовтің «Тағдыр» романы бойынша әңгімелесу өтті.

Кітапханашы оқырмандарды жазушының шығармашылығымен таныстырып, туындының жазылу тарихы және «Бір ел — бір кітап» акциясы туралы әңгімелеп берді.

«Тағдыр» романы — тарихи отанынан жырақта қалған қазақ халқының тарихындағы трагедиялық беттер туралы терең мазмұнды шығарма. Оқиға желісінің ортасында геосаяси шекаралармен бөлінген адамдардың тағдыры жатыр. Автор тек тарихи оқиғаларды ғана емес, кейіпкерлердің ішкі дүниесін, олардың толғаныстарын, ана тілін, мәдениетін, салт-дәстүрі мен ұлттық болмысын сақтап қалуға деген ұмтылысын көрсетеді.

Әңгімелесу барысында оқырмандар шығарманың негізгі тақырыптарын, кейіпкерлер тағдыры мен романда көрініс тапқан тарихи оқиғаларды талқылады. Кездесу отандық әдебиет парақтарына қайта оралуға, адамның туған жермен байланысы мен тарихи естеліктерінің маңызы туралы ойлануға мүмкіндік берді.

Іс-шара танымдық және мазмұнды атмосферада өтіп, оқырмандардың Қабдеш Жұмаділовтің шығармашылығына және оның «Тағдыр» романына деген қызығушылығын оятты.

«Өмір кемесіндегі күзгі саяхат»

biblioteka — Thu, 01 Oct 2026 11:51:00 GMT

Қарабалық аудандық орталық кітапханасында Еңбек күні мен Қарттар күніне арналған «Өмір кемесіндегі күзгі саяхат» атты мерекелік іс-шара өтті. Кездесудің басты қонақтары кітапхана еңбегінің ардагерлері –көптеген жылдар бойы кітапқа, оқырмандарға және кітапханаға қызмет етуге арнаған адамдар болды.

Қонақтар үшін қызықты конкурстық-ойын бағдарламасы дайындалды. Қатысушылар «Кітапханалық шифрлау», «Әдеби география», «Кәсіби белгілер мен құпиялар» тапсырмаларын қуана орындап, көңілді мәрелерге қатысып, сүйікті әдеби шығармаларын естеріне түсірді.

Ардагерлер алғашқы жұмыс күндері, сүйікті кітаптары, әріптестері, естелік іс-шаралары және кітапхана өміріндегі қызықты оқиғалар туралы әңгімелерімен бөлісті.

Қонақтар үшін жарқын тосын сый-барлығына жақсы көңіл-күй мен күлкі сыйлаған Алдар-Көсенің шыға келуі болды.

Іс-шара дастарқан басындағы ардагерлердің өздерінің еңбек жылдары туралы естеліктерімен бөлісумен жалғасын тапты, өмірден қызықты әңгімелерін айтты. Өмірден өткен әріптестерін еске алды және отбасылары, балалары мен немерелері туралы ерекше ықыласпен әңгімелесті.

Кездесу барлық қатысушылардың жағымды мен жақсы естеліктері ерекше әсерде, мейірімділік, құрмет және рухани қарым-қатынас атмосферасында өтті.

«Мамандықтар ағашы»

biblioteka — Wed, 30 Sep 2026 12:06:58 GMT

Мамандықтар күніне орай Қарабалық аудандық орталық кітапханасында «Мамандықтар ағашы» атты интерактивті іс-шара ұйымдастырылды.

Бір апта бойы әртүрлі жастағы оқырмандар осы қызықты акцияның қатысушысы болды. Олар «Мамандықтар ағашының» жапырақшаларына кім болғысы келетіндерін және қандай мамандықты таңдағылары келетінін жазса, ал аға буын өкілдері өздерінің кәсіби тәжірибелерімен бөлісіп, еңбек жолдарында кім болып жұмыс істегендерін баяндап берді.

Ағаш біртіндеп армандар, жоспарлар мен естеліктер жазылған жарқын жапырақшаларға тола бастады. Біреулер үшін бұл болашақ мамандықты таңдау туралы ойлануға мүмкіндік болса, енді біреулер үшін көп жылдар бойы айналысқан сүйікті істерін еске алудың сәті болды.

Бұл интерактивті іс-шара оқырмандардың әртүрлі буын сабақтастығын, мамандықтар әлемінің қаншалықты алуан түрлі екенін және әр адамның еңбегі қаншалықты маңызды екенін көрсетті. Өйткені, әр мамандықтың артында өзіндік жол, білім, тәжірибе және ерекше естеліктер жатыр.

«Ашық әңгіме: сыбайлас жемқорлық туралы не білу керек?»

biblioteka — Tue, 22 Sep 2026 06:40:56 GMT

Святослав ауылдық кітапханасында 7–9 сынып оқушылары үшін «Ашық әңгіме: сыбайлас жемқорлық туралы не білу керек?» атты пікірталас-кездесу өтті.

Кітапханашы балаларға сыбайлас жемқорлықтың шығу тарихы туралы айтып берді, «пара», «сатып алу» және «бопсалау» ұғымдарының мағынасын түсіндірді, сондай-ақ сыбайлас жемқорлықтың қоғамға тигізетін кері әсері туралы әңгімелесті.

Одан кейін қатысушылар «Адал адамдар — адал ел» атты блиц-турнирге қатысып, адалдық пен әділдік туралы мақал-мәтелдерді, сондай-ақ Н. В. Гоголь мен А. С. Грибоедовтың сыбайлас жемқорлық тақырыбын қозғайтын шығармаларын еске алды.

Кездесу өмірлік жағдаяттарға экспресс-талдау жасаумен аяқталды. Оқушыларға мектеп өмірінен, медицина және жол қозғалысы саласынан ұсынылған мысалдардың сыбайлас жемқорлыққа жататынын немесе жатпайтынын анықтау тапсырылды. Балалар талқылауға белсене қатысып, өз пікірлерін білдірді және әртүрлі жағдаяттарда дұрыс шешім табуды үйренді.

«Қарабалық ауданының киелі жерлері»

biblioteka — Mon, 21 Sep 2026 12:19:34 GMT

Победа ауылдық кітапханасында тұрақты оқырмандар үшін «Қарабалық ауданының киелі жерлері» атты ақпараттық сағат өтті.

Ауданның маңызды тарихи-мәдени нысандарының бірі — белгілі жерлесіміз, ақын әрі тұңғыш қазақ журналисі Мұхамеджан Сералиннің жерленген орнына ерекше назар аударылды. Бұл нысан өңірлік маңызға ие және Қостанай облысының Киелі жерлер картасына енгізілген.

Кітапханашы оқырмандарға М. Сералиннің зираты Өрнек ауылынан 10 шақырым жерде орналасқанын және мемлекет қорғауындағы ескерткіш екенін айтып берді.

Іс-шараға қатысушылар Мұхамеджан Сералиннің өмірімен және шығармашылық мұрасымен де танысты. Оның қызметінде 1911-1915 жылдары жарық көрген тұңғыш қазақ ұлттық журналы «Айқапты» шығаруы ерекше орын алады. Ақын ретінде М. Сералин қазақ әдебиетінің дамуына және сюжетті поэма жанрының қалыптасуына елеулі үлес қосты.

Бұл іс-шара оқырмандарға туған өлке тарихы, оның көрнекті тұлғалары және Қарабалық ауданының мәдени мұрасының бір бөлігі болып табылатын киелі орындар туралы көбірек білуге мүмкіндік берді.

«Сазгердің жүрек үні»

biblioteka — Thu, 17 Sep 2026 06:32:49 GMT

Қарабалық аудандық орталық кітапханасының қызметкерлері М.Сералин атындағы жалпы білім беретін мектептің оқушыларына Қазақстанның еңбек сіңірген қайраткері Ілия Жақановтың өмірі мен шығармашылығына арналған «Сазгердің жүрек үні» әдеби сағатын өткізді.

Іс-шара барысында балалар жазушы, талантты аудармашы, композитор, музыкалық зерттеуші және суретші Ілия Жақановтың көп қырлы шығармашылық қызметімен танысты. Оқушылар оның қазақ мәдениеті мен өнерін дамытуға қосқан елеулі үлесі туралы, сондай-ақ туған жерге, ұлттық мұраға және халықтың рухани құндылықтарына деген сүйіспеншілігі көрініс тапқан туындылар туралы білді.

Автордың әдеби мұрасына ерекше назар аударылды. Кітапханашы Ілия Жақановтың шығармашылығы әдебиетті, музыканы және өнерді біріктіретін жарқын және жан- жақты тұлға екенін атап өтіп, оның шығармашылық жолы мен мағыналы шығармалары туралы айтты.

Әдеби сағат оқушыларға дарынды қазақстандық мәдениет қайраткерінің есімін білуге және оның бай шығармашылық мұрасымен тереңірек танысуға мүмкіндік болды.

«Таза Қазақстан – таза болашақ»

biblioteka — Wed, 16 Sep 2026 04:09:49 GMT

«Таза Қазақстан» республикалық экологиялық акциясы аясында Святослав ауылдық кітапханасының кітапханашысы ауыл тұрғындары үшін «Таза Қазақстан – таза болашақ» атты түсіндіру жұмыстарын жүргізді.

«Таза Қазақстан» акциясы – бұл жай ғана аумақты тазалау емес, экологиялық мәдениетті қалыптастыруға, табиғатқа ұқыпты қарауға, туған өлке тазалығына жауапкершілікпен қарауға және патриотизмге тәрбиелеуге бағытталған маңызды ұлттық бастама.

Әңгіме барысында кітапханашы қоршаған ортаға қамқорлық әр адамнан – өз ауласының, көшесінің, ауылының тазалығынан және табиғи ресурстарды ұқыпты пайдаланудан басталатынын айтты. Қатысушылар қоршаған ортаның жай-күйіне бейжай қарамаудың маңыздылығын және экологиялық жауапкершіліктің күнделікті өмірдің бір бөлігіне айналуы керектігін талқылады.

Іс-шараға «Табиғатты бірге сақтайық!» және «Табиғатты аялай білеміз бе?» атты ақпараттық буклеттер дайындалды. Онда тазалықты сақтау және табиғатқа ұқыпты қарау бойынша пайдалы кеңестер қамтылған.

Сондай-ақ, кітапханада «Экология – ел тағдыры» атты кітап көрмесі ұйымдастырылды. Онда табиғат, экологиялық мәселелер және қоршаған ортаны сақтау қажеттілігі туралы басылымдар қойылды.

Таза табиғат әрқайсымыздың таза ойымыз бен жауапты іс-әрекетімізден басталады. Бірлесе отырып, біз Қазақстанды болашақ ұрпақ үшін таза, әдемі және өмір сүруге қолайлы ете аламыз.

«Таза ескерткіш»

biblioteka — Wed, 16 Sep 2026 04:00:10 GMT

Святославка ауылының кітапханашысы еріктілермен бірлесе отырып, 7–9 сынып оқушыларымен бірге Ұлы Отан соғысы жылдарында қаза тапқан жерлес жауынгерлерге арналған ескерткіштің аумағын абаттандыру бойынша акция өткізді.

Жас еріктілер ескерткіш маңын қоқыстан тазартып, арамшөптерді жұлып, қураған шөптерді, бұтақтарды және басқа да өсімдік қалдықтарын жинады. Оқушылар атқарылған жұмысқа жауапкершілікпен және құрметпен қарады, өйткені тарихи орындарға қамқорлық жасау — тарихи естеліктерді сақтаудың маңызды бөлігі екенін терең түсінді.

Мұндай еріктілер бастамаларының тәрбиелік мәні зор: олар жас ұрпаққа бейбіт өмірдің қадірін түсінуге көмектеседі, Отан қорғаушыларға деген алғыс сезімін, өз елінің тарихына деген құрметті және оның мұрасын сақтауға деген жауапкершілікті қалыптастырады.

Естелік орындарды абаттандыра отырып, біз батырлар туралы естелікті сақтаймыз және оны болашақ ұрпаққа аманат етеміз.