Ауылдық кітапханада оқырмандармен «Сагадат Нурмагамбетов. Биография военачальника» ақпараттық сағаты өткізілді. Кітапханашы Кеңес Одағының Батыры, тәуелсіз Қазақстанның тұңғыш Қорғаныс министрі, Халық Қаһарманы, армия генералы Сағадат Нұрмағамбетовтың өмір жолы, Ұлы Отан соғысы жылдарында жасаған ерліктері, жас офицерлерді әскери тәжірибеге үйретудегі сіңірген еңбегі, оның естеліктері туралы айтып берді.
С.Нұрмағамбетов «Мой передний край» кітабына шолу жасады. Бұл кітапта С. Нұрмағамбетов соғыс жолдарынан өткен пулеметші офицердің майдандағы күнделікті өмірі туралы естеліктерімен бөліседі. Сондай-ақ, кітапханашы 1995 жылы отставкаға кеткеннен кейін С.Нұрмағамбетов Президенттің кеңесшісі болғанын, ал қайтыс болғаннан кейін оның есімімен көптеген қалаларда көшелер аталғанын, Астана мен Таразда С.Нұрмағамбетовке арналған мемориалдар ашылғанын, Алматыдағы Құрлық әскерлері институтында әскери басшыға арналған ескерткіш бар екенін айтты. |
