Қарабалық аудандық ОКЖ

«Болашаққа бағдар: рухани жанғырау  - Болашақ бастамасы: қоғамдық сананы модернизациялау» атты мақаласында біздің Президентіміз қазақ тілін латын әліпбиіне көшіру тегіс, кезеңді  болады деп жазады. 2017 жылдың соңына қарай Латын әліпбиінде мемлекеттік тіл алфавитінің Бірыңғай стандарты бекітіледі. Бұл туралы Бөрлі ауылдық кітапханасының  кітапханашы Магамбетова Г.Т. ауыл тұрғындары арасында түсіндірме әнгіме өткізді. Кітапханада зейнеткерлер, ауыл әкімшілігінің қызметкерлері және тағы басқалар жиналды. Гүлбану Төлебаевна қазақ тілін кириллицадан латын жазуына көшіруі мемлекеттік тілдің дамуына қуатты серпін беретіні туралы айтты. Латын әліпбиін қолдану қазақ тіліне жаңалық емес, Қазақстанда 1929-1940 жылдар аралығында латын әліпбиі қолданылған, одан кейін ол кириллица алфавитімен ауыстырылған.  Латын әліпбиі біздің еліміз үшін өркениетті жетекші ел болуға ұмтылатын көпұлтты мемлекет ретінде қажет.