2023 жылдың наурыз айының 1-і күні Қарабалық аудандық балалар кітапханасында Алғыс күніне орай алғыс науқаны болып өтті. Бүгінгі қонақтар М.Горький мектебінің даярлық тобының бүлдіршіндері болды. Кітапханашы науқан барысында балаларға бұл мерекенің тарихын, неге алғыс айту күні деп аталатынын, сонымен қатар бұл күні баршамыз туған-туыстарымызға, жақындарымызға алғыс білдіруіміз керектігі жайында ақпарат айтты. Осылайша, балалар «Шаттық шеңберін» құрып, қолындағы жүрекшелерді бір-біріне сыйлай отырып, бір-бірлеріне деген жылы лебіздерін білдірді. Ал кітапханашылар балаларға алғыс ретінде тәттілер таратты. |
