Алғашқы адам ғарышқа көтерілген күннен бастап 60 жыл өтті. Михайлов ауылдық кітапханасында 4-сынып оқушылары үшін "Ғарышты бағындырған адамдар = Люди, покорившие космос" атты бір сағаттық ақпарат қызықты өтті.
Балалар Жердің алғашқы ғарышкері - Ю.А. Гагарин; алғашқы қазақ - ғарышкері Т. Әубәкіров және еліміздің басқа ғарышкерлері Т. Мұсабаев пен А. Айымбетов туралы қызығушылықпен тыңдады. Сондай-ақ, басқа танымал ғарышкерлердің: әлемдегі алғашқы әйел ғарышкер В. В.Терешкованың; ашық ғарышта болған алғашқы әйел С. Е. Савицкаяның; айдағы алғашқы адам Н. Армстронгтың; ғарышкерлер В. В. Поляковтың; Г. Т. Береговтың; В. А. Джанибековтың; ашық ғарышқа алғаш шыққан А. А. Леоновтың; Жердің екінші ғарышкері Г. С. Титовтың және басқалардың өмірбаяндарымен танысты. Соңында балалар "Ғарыш туралы не білеміз" викторинасының сұрақтарына жауап берді, ғарыш тақырыбына шоқжұлдыздар мен суреттер жинады.
Іс - шараға "Ғарышты бағындырған адамдар" көрме-портреті безендірілді. | 