«Тәуелсіздік күнінің бастапқы мәні сақталады. Бұл күн мемлекеттік мереке болып қала береді. Ал 16 желтоқсан тәуелсіздік алуға зор үлес қосқан ұлттық батырларымызға тағзым күні ретінде атап өтілуі керек» — деді Президент құрылтай отырысында.
15 желтоқсанда Қарабалық аудандық кітапханасында еске алу күні қарсаңында М.Сералин атындағы мектептің оқушыларымен ақпараттық сағат өтті. Батырларымыз Қ.Рысқұлбеков, Е.Сыпатаев, Л.Асанова, С.Мұхамеджанова туралы ақпараттар айтылды. Өмір жолы, қалай оқиға құрбаны болып, жала жабылғандығы, қай жылдары ақталғаны жайындағы деректермен танысты. Сонымен қатар, әлі күнге дейін «ұлтшыл», «бұзақы» деп айыпталған қазіргі таңда қоғамда бар азаматтар есімі де аталды.
Жиын соңында оқушыларға Тәуелсіздіктің қымбат екендігі, сол жолда қаншама боздақ құрбан болғандығы, ерліктері дәріптелді. Іс-шараның соңында Қарабалық балалар кітапханасының кітапханашысы Демес Мәдина «Тәуелсіздікке арнау» атты өз шығармашылығынан өлең шумақтарын оқыды.
| 