2020 жылы Ұлы ақынның 175 жылдық мерейтойы қарсаңынан бастап әр жылы 10-тамыз «Абай күні» аталып өтіледі. Осы атаулы күн қарсаңында Қарабалық аудандық балалар кітапханасында «Кім екен деп келіп ем түйе туған» атты тақырыпта Абай күні аталып өтілді. Іс-шара барысында балаларға Абай атамыздың өлеңдері, әндері, поэмалары таныстырылды. Сонымен қатар «Жазғы әдеби кинозалымызда» Абайдың И.А.Крыловтан аударған «Шегіртке мен құмырсқа», «Қарға мен түлкі» мысалдары көрсетілді.
Абайдың «Қара сөздер» жинағы, әр жылдары баспадан жарық көрген әдеби шығармаларынан жасалған кітап көрмесі де балалар назарына ұсынылды. Жыл мезгілдеріне арнап жазылған өлеңдерін балалар жатқа айтты. | 