Новотроицк ауылдық кітапханасында «Сыбайлас жемқорлық - қоғамға қауіп» атты танымдық әңгіме болып өтті, оған ауыл тұрғындары қатысты. Іс-шараның мақсаты – азаматтардың бойында сыбайлас жемқорлыққа төзбеушілікті қалыптастыру, құқықтық сауаттылықты арттыру және азаматтық жауапкершілікті дамыту.
Кездесу барысында кітапханашы сыбайлас жемқорлық ұғымы, оның туындау себептері, сондай-ақ оның қоғамға, мемлекетке және әрбір адамға келтіретін зияны туралы айтып берді. Қатысушылар өмірден мысалдар келтіре отырып, сыбайлас жемқорлық әрекеттерінің салдарын және осы жағымсыз құбылыспен күресу жолдарын талқылады.
Соңында қатысушылар белсенді азаматтық ұстаным және күнделікті өмірде адалдық пен әділдік қағидаттарын сақтау қажеттігі туралы өз пікірлерін білдірді. | 
