 Станционный ауылдық кітапханасында әдеби оқу сабағы өтті. Мұхтар Әуезов –қазақтың ұлы жазушысы, ғалым, педагог, энциклопедиялық білім мен эрудиция адамы. Ол жиырмадан астам пьесалар, көптеген керемет әңгімелер мен повестер жазды. Іс-шара басында балалар М.Әуезовтің өмірі мен шығармашылығы туралы әңгіме тыңдады. 3 сынып оқушылары кітапханашымен бірге қазақтың әйгілі жазушысы М.Әуезовтың "Абай жолы" үлкен шығармасынан "Оралу" атты үзінді оқыды. Осы туындының арқасында балалар көшпенді қазақ ауылындағы өмір салтымен ғана емес, Абайдың өмірі мен шығармашылығымен танысуға мүмкіндік алады. Іс-шара соңында оқушылар М.Әуезовтің шығармалары басқа адамдардың жақсы жақтарын көруге көмектеседі деген қорытынды жасады. Кітапханада "Қазақ жерінің дана ұлы" атты кітап көрмесі ұйымдастырылды.
|
