Олжас Сүлейменовтің 85 жылдығына орай Қарабалық ОКЖ кітапханаларында түрлі іс-шаралар өткізіліп, кітап көрмелері рәсімделді. Есенкөл ауылдық кітапханасында "Ақын және ғалым Олжас Сүлейменов" атты кітап көрмесі ұйымдастырылды. Михайлов ауылдық кітапханасындағы көрмеде ақынның өмірі мен шығармашылығы туралы кітаптар, материалдар мен фотосуреттер ұсынылды. Бөрлі ауылдық кітапханасында " Менің ерекше сөздерім бар...» әдеби сағаты өтті. Кітапханаға келушілер кітап көрмелерімен танысып, ақынның өмірі мен шығармашылық қызметі, Семей ядролық полигонының жабылуына қосқан үлесі туралы әңгімелерді тыңдауға мүмкіндік алды, Бөрлі ауылдық кітапханасында ақынның "Түйдек бұлттар", "Алма", "Біз - Көшпенділер" атты өлеңдері оқылды. Олжас Сүлейменов-ақын, публицист, кинодраматург, қоғам қайраткері, дипломат, Қазақстан Республикасы Мемлекеттік сыйлығының лауреаты, оның Қазақстанның мәдениет ісіне қосқан үлесін асыра бағалау қиын.
|
