4 қыркүйекте Қарабалық аудандық балалар кітапханасында М.Горький атындағы мектептің 4-ші "Б" сынып оқушылары үшін Қазақстан халқы тілдері күніне арналған «Мой родной язык» атты конкурстық-танымдық бағдарлама өткізілді.
Басында кітапханашы Юлия Павловна Притуленко балаларға осы мерекенің тарихын, қай жылы құрылғанын, бұрын қашан тойланғанын және мереке күні неге 5 қыркүйекке ауыстырылғанын айтты.
Әрі қарай балаларды қызықты байқаулар күтіп тұрды. Ұлдар мен қыздар суреттегі тағам атауларын тауып айтып, олардың қай ұлттың тағамына жататынын анықтады; сөздерді қазақ және орыс тілдеріне аударды; жеке сөздерден ана тілі туралы мақал-мәтелдер құрастырып, олардың мағынасын түсіндірді; блиц-сауалнамаға белсенді қатысып, фразеологиялық тіркестерді іс-қимылмен көңілді түсіндірді.
Балалар уақытты тиімді өткізді, ой-өрістерін кеңейтіп, орфографиялық ережелерді ойын түрінде қайталады, ал бейнероликті көріп, қазақ тілі туралы, оны үйренуге көмектесетін қызықты фактілерді білді.
Барлық тапсырмаларды ойдағыдай орындағандары және іс-шара соңында белсенді қатысқандары үшін балаларға сыйлықтар табыс етілді. | 