20 қарашада Қарабалық аудандық орталық кітапханасында «Қарабалық ауданының гендерлік қолдау орталығы» қоғамдық бірлестігінің қатысуымен «Гендерлік зорлық-зомбылыққа қарсы белсенді іс-қимылдың 16 күні» аясында «Мы против насилия» ақпарат сағаты өткізілді.
Бұл іс-шараның мақсаты –тұрмыстық зорлық-зомбылықтың алдын алу және жолын кесу, халықты осы бағытта қабылданып жатқан шаралар туралы хабардар ету, отбасының қоғамдағы рөлін нығайту және құқықтық тәрбиені насихаттау.
Іс-шараның басында кітапханашы Д. Е. Ергарина гендерлік теңдік, өзін-өзі дамыту және зорлық-зомбылықтан қорғау туралы айтты.Содан кейін «Выбери жизнь без насилия» бейнеролигі көрсетілді. Осы мәселені талқылау кезінде қатысушылар әйелдердің өмір сүру құқықтары, олардың физикалық және моральдық тұтастығы, зорлық-зомбылықтың барлық түрлері туралы, сондай-ақ біздің елімізде зорлық-зомбылықтан зардап шеккен әйелдерге сот төрелігіне жүгінуге кепілдік берілгені және тағы басқалар туралы айтты.
Қорытындылай келе, іс-шара қонақтары қоғамдағы зорлық-зомбылыққа қарсы күрес –әрбір Қазақстан азаматының борышы екенін, ал бәрі отбасындағы тәрбиеден басталатынын атап өтті. | 
