Тоғызақ ауылдық кітапханасында «Собеседник» үйірмесінің мүшелеріне арналған «Признанный миром – Абай» атты әдеби-сазды кеш өтті. Кітапханашы Татьяна Искаковна Престель қазақ әдебиетінің негізін қалаушының өмірбаяны мен өмір жолы туралы кеңінен айтып берді. Оның әжесі туралы әңгімелеп берді, Абай оның аузынан көптеген аңыздар мен ертегілер естіді. Қонақтар әлемге әйгілі тұлға туралы, оның мемлекет мүддесін қорғаушы және халық бірлігі идеясының жақтаушысы болғаны туралы көп мағлұмат айтылған бейнероликті тамашалады.
Кешке қатысушылар «Жыл мезгілдері» циклінен өлеңдер оқыды. Сондай-ақ оқырмандар оның «Өлең – сөздің патшасы», «Мен жазбаймын өлеңді ермек үшін» деген терең мағыналы шығармаларымен де танысты.
Белсенді оқырман Александра Федоровна Дик Абайдың сүйікті шығармаларын еске алып, оның шығармашылығы туралы өз пікірімен бөлісті. Сондай-ақ іс-шара барысында «Абай шыңы» тақырыбында кеңейтілген кітап көрмесі ұйымдастырылып, библиографиялық шолу жасалды. | 
