 4 маусымда Қарабалық аудандық орталық кітапханасының қызметкерлері Қазақстан Республикасының Мемлекеттік рәміздері күнін мерекелеу аясында М. Сералин атындағы № 3 ЖББМ оқушыларымен «Рәміздерім – мақтанышым» ақпараттық-танымдық сағатын өткізді.
Іс-шараның мақсаты: оқушылардың Қазақстан Республикасының рәміздері туралы білімдерін тереңдету. Мемлекеттік рәміздер -мемлекеттің мызғымас негіздерінің бірі. Отан үшін мақтаныш сезімін қалыптастыруда, ел тәуелсіздігін нығайтуда мемлекеттік рәміздер ерекше орын алады. Елдің рәміздеріне қарап, олардың тарихын, мәдениетін, дінін, тілін, дәстүрлерін, барлық құндылықтарын білуге болады. Мемлекеттік рәміздер –өзін-өзі бағалайтын қазына, еліміз үшін, мемлекет үшін сарқылмас байлық. Рәміздер Қазақстан Республикасының ажырамас бөлігі, айқын бейнесі болып табылады.
Кітапханашы өз сөзінде Мемлекеттік рәміздер - бұл біздің еліміздің тарихы және оның бүгіні екенін атап өтті. Олар Қазақстан Республикасының тарихи жолының ерекшеліктерін және бірқатар басқа мемлекеттердегі айрықша ерекшеліктерін білдіреді, сондай-ақ өзінің мазмұны мен мағынасы бойынша гуманизм, келісім және бейбітшілік сияқты аса маңызды жалпыадамзаттық құндылықтардың көрінісі болып табылады.
Оқушылар викторина сұрақтарына жауап бере отырып, рәміздердің маңыздылығы туралы өз пікірлерімен бөлісті, Ту, Елтаңба, Әнұранның тарихы туралы білімдерін көрсетті, Қазақстан туралы өлеңдер оқыды. |
