Тоғызақ ауылдық кітапханасында 26 тамызда «Собеседник» клубының кезекті кездесуінде «Семипалатинский полигон-трагедия народа» атты дөңгелек үстел өтті.
Әңгіме басында кітапханашы Престель Т.И. полигонның қызметі, келтірілген залал және ядролық «құбыжықты» жабу үшін күрес туралы айтты. Жарылыс сынақтары 1949 жылдан бастап қырық жылдан астам уақытқа созылды. Кітапханашы Шығыс Қазақстандық мемлекеттік және қоғам қайраткері Кешрим Бозтаев алғашқылардың бірі болып дабыл қағып, ядролық сынақтардың жалғасуына наразылық білдіргенін атап өтті.
Іс-шара барысында әңгіме қонағы Ғалия Мұхтаровна кітаптардан емес, шын мәнінде трагедияның қасіретін көрген естеліктерімен бөлісті.
Іс–шара соңында ұйымдастырушы қатысушыларды көрменің басылымдарымен таныстырды, онда әскери қауіп объектісінің ғылыми зерттеу орнына айналғаны туралы, ал Қазақстан –ядролық қарусыз әлем үшін басты күрескерлердің бірі болғаны туралы тарих жазылған. | 