 26 сәуірде Смирновка ауылдық кітапханасының кітапханашысы "Серке Қожамқұловтың өмірі мен шығармашылығы" атты әңгіме өткізді. Қатысушыларды жерлесіміз, атақты актер, кәсіби театр өнерінің негізін қалаушылардың бірі, Қазақ КСР Халық әртісі Серке Қожамқұловпен таныстырды. Замандастары оның образға таңғажайып енуін, сахна техникасын бұзбай дыбыстық интонацияны дәл жеткізе білуін атап өтті. Өзінің қайталанбас сахналық шеберлігі үшін С. Қожамқұлов ордендермен және медальдармен марапатталды. Ол КСРО мен Қазақ КСР түрлі сыйлықтарының лауреаты. Серке Қожамқұлов – сахнаның тамаша шебері, өмірі мен таланты мәңгілік тірі мұра болып табылатын ірі тұлға.
|
