Қазақстан Республикасының Мемлекеттік рәміздері күні Есенкөл ауылдық кітапханасында – «Символы моей Страны» танымдық сабақ-ойын өтті. Кітапханашы бұл іс-шараны оқушылардың Қазақстанның мемлекеттік рәміздері – Елтаңбасы, Туы, Әнұраны туралы білімдерін кеңейту, сондай-ақ балалардың бойында патриоттық, өз еліне деген мақтаныш сезімін ояту мақсатында ұйымдастырды.
Сабақ барысында қатысушылар рәміздердің шығу тарихы мен мағынасын білді. Алған білімдерін бекітуге бағытталған түрлі тапсырмаларға қатысты.
Сабақ соңында викторина өткізіліп, қорытынды бойынша жеңімпаздар анықталды. Бірінші орынды Берік Исхаков, екінші орынды Тамирис Бердіғұлова иеленді.
Сабақ балалардың қызығушылығын оятып, Отанға деген сүйіспеншілігін, рәміздерге құрметтерін нығайтты. | 
