  21 ақпанда Қарабалық аудандық балалар кітапханасының кітапханашылары «Жас талап» интернатының балалары үшін «Тіл – достық көпірі» атты блиц-турнир өткізді. Кітапханашы Ергарина Д.Е. іс-шара барысында әлемдегі тілдердің саны көп, әр адамның ана тілі – оның жады, рухани байлығы, тарихы, халықтың қазынасы деп білеміз, тіл - халықпен бірге өмір сүріп дамиды, әр ұлттың тілі - оның бақыты мен тірегі деп әңгіме жүргізді. Балалар қазақ, орыс, украин және татар тілдерінде өлеңдер оқыды. Кейін екі топқа бөлініп блиц- турнирға қатысты. Қазақстан Республикасының аумағында тұратын түрлі ұлт өкілдерінің мәдениеті, тарихы, тұрмыс тіршілігі тақырыбына тапсырмалар болды. Балалар белсенділік танытып турнирдің барлық тапсырмаларына үлкен қызығушылықпен қатысты. Рақмет, балалар! Келесіде кездескенше !
|
