 6 желтоқсанда Смирнов ауылдық кітапханасында кескіндемеші, ҚР Суретшілер одағының мүшесі, Қазақстанның еңбек сіңірген қайраткері, Қазақстан Республикасы Көркемөнер академиясының академигі Марат Тоқсейітовқа арналған портрет кеші өтті. Кітапханашы портрет кешіне қатысушыларды суретшінің өмірбаянымен және шығармашылығымен таныстырды. Тоқсейітов Марат Төлегенұлы –жерлесіміз, 1947 жылы 4 қаңтарда Қостанай облысы Қарабалық ауданы Ново-Троицк ауылында дүниеге келген. Н. Гоголь ат. Алматы көркемсурет училищесін 1968 жылы бітірген. Целиноград көркемсурет шеберханаларында жұмыс істеді, әртүрлі қалалық, аймақтық, республикалық өнер көрмелеріне белсенді қатысты. 1977 жылдан Қазақстан Суретшілер Одағының мүшесі. 2000-2004 жылдар аралығында Астана қаласы Суретшілер одағының төрағасы, қазіргі уақытта-Астана қаласы Суретшілер Одағы төрағасының орынбасары.
|
