  Халықаралық туған тілдің күніне арналған Надеждин ауылдық кітапханасында «Туған тілдің сөйлеу мәдениеті» атты іс-шара ауызша журнал түрінде жасалды. Іс-шараны Надеждин ауылдық кітапханасының кітапханашысы Батуева С.В. ұйымдастырып өткізді. Дұрыс сөйлей білуде өнер, жүйесін тауып сөйлеген сөз жүрекке жетіп, жүйені босатады. Сондықтанда тіл - тәтті. Жебе салған жара жазылар, балтамен оталған орман қайта өсер, бірақ тілдің жарасы жазылмас. Сондықтан да тіл - ащы. «Тіл», «сөйлеу», «сөйлеу мәдениеті» ұғымдар туралы кітапханашы әңгіме жүргізді. Тіл – қандай ұлтта, елде болмасын әрқашан қастерлі де құдіретті. Ол әрбір адамға ана сүтімен бірге еніп, қалыптасады. Тіл - әрбір елдің жаны.
Тілді үйрену ешқашан кеш емес. Ол үшін тек ниет пен еңбектену ғана қажет. Халқымыз үшін басты мәселе ұлты, ұлтының тілі, мәдениеті, әдет-ғұрпы, салт-дәстүрі, бір сөзбен айтқанда ұлттық құндылықтары. Тіл – біздің ең қымбат қазынамыз.Іс-шара соңында балалар викторинаның сұрақтарына жауап берді.
Ана тілім – бәрін айтар шежірем.
Тілсіз нені білдіре алам, не білем?
Тілім барда ғана мынау ғаламның,
Кілтін табар саналысы сезінем.
О, Адамдар, қадіріне жетіңдер,
Ана тілің – анаң, сыйлап өтіңдер! – деп ақын жырлағандай, ана тілі – халықтың өткен ұрпағын, қазіргі және келешек ұрпақты біріктіретін ең сенімді құрал. |
