Святославка ауылдық кітапханасында 5-8 сынып оқушыларына Наурыз мейрамы мерекесіне арналған «Вечные ценности древнего праздника» атты дөңгелек үстел өтті. Кітапханашы Наурыз мейрамының 5000 жылдан астам уақыт бұрын пайда болған әлемдегі ең көне мерекелердің бірі екендігіне кеңінен тоқталды.
Әңгімелесу барысында балалар Ұлы далада жаңа жыл мерекесінің 8–9 күнге созылатынын және «Наурызнама» деп аталатынын білді. Бұл туралы Шығыстың көрнекті ойшылдары Омар Хайям, Абай Құнанбаев, Мұхтар Әуезов және басқалары өз еңбектерінде айтқан. Өкінішке орай, халықтық мерекенің көптеген салт-дәстүрлері мен әдет-ғұрыптары кеңестік дәуірде ұмыт қалды. Тарихи әділеттілік пен халықтық дәстүрлер сабақтастығын қалпына келтіру мақсатында Президент Қасым-Жомарт Тоқаев Наурыз мерекесін тойлау форматын қайта қарастыру қажеттігіне баса назар аударды. 2024 жылдан бастап Наурыз мейрамы 10 күн тойланады – 14-23 наурыз аралығындағы онкүндік «Наурызнама» деп аталады. Әр күн белгілі бір тақырыпқа арналған.
«Наурыз: салт-дәстүрлер жалғасын тауып, нығая берсін» атты викторина өткізілді. Балалар Наурыз мерекесінің салт-дәстүрлері туралы сұрақтарға үлкен қызығушылықпен жауап берді, бұл олардың мәні мен құндылығын тереңірек түсінуге көмектесті. Іс-шара соңында барлығы тәттілер мен бауырсақтардан дәм татты.
Бұл іс-шараға «Наурызға саяхат» атты тақырыптық көрме дайындалды. Көрмеге Наурыз мейрамын тойлау тарихы, қазақ халқының салт-дәстүрі мен әдет-ғұрыптары, қазақтың ұлттық киіз үйі, ұлттық тағамдары, киімдері, ою-өрнектері және т.б. туралы әңгімелейтін кітаптар мен мерзімді басылымдар қойылған. | 
