«Веселая планета» мектеп жанындағы лагерь балаларына арналған нашақорлыққа қарсы акция аясында «Зиянды әдеттерге сіздің көзқарасыңыз» атты әңгіме өткізілді. Кітапханашы балаларға жас жеткіншектердің есірткіні қолдануының негізгі себептерімен таныстырып, олардың достары немесе таныстары есірткіге тәуелді болса, өздерін қалай ұстау керектігін және қайда жүгіну керектігін айтты. Балалар диалогқа белсене қатысып, сұрақтарға жауап беріп, есірткі, алкоголь, шылым шегу зиянды екендігі жөнінде пікірлерін білдірді. Әңгімелесу барысында балаларға нашақорлықтың зияны, адам денсаулығы мен өміріне тигізетін зияны, нашақор болмау туралы айтылды.
Бұл шараға «Денсаулығыңды жас кезіңнен күт» ақпараттық стенд орнатылды. Әңгіме барысында денсаулыққа қатысты кітап көрмесі ұйымдастырылып, әдебиеттерге шолумен ұласты. |
