 Қазақтың көрнекті ағартушысы А.Байтұрсынұлының 150 жылдығына орай, Бөрлі ауылдық кітапханасында әкімдік қызметкерлерімен "А. Байтұрсынұлының қазақ халқының мәдениеті мен біліміне қосқан үлесі" тақырыбында дөңгелек үстел өткізілді. Кітапханашы А.Байтұрсынұлының өмірбаянын, оның отбасы туралы, училищеде және семинарияда оқығандығы туралы, ол қалай және қайда сабақ бергендігін, саяси қызметін қалай бастағандығын, "Қазақ" газетін құрушылардың бірі болғандығын, "Алаш"партиясын құруға қатысқандығын, Алаш-Орда үкіметінің ұйымдастырушылары мен жетекшілерінің бірі болғандығын айтып берді. Қорытындылай келе, кітапханада бар кітаптар мен баспасөз мақалаларын, сондай-ақ оның "Маса" кітабын ұсынды.
|
