18 наурыз күні Қарабалық орталық аудандық кітапханасының қызметкерлері Қарабалық тарихи-өлкетану мұражайымен бірлесіп Наурыз мерекесіне арналған 7-8 сынып оқушыларына «Ақ молсын!» шеберлік сағатын өткізді. Кітапханашы іс-шараны мереке күндері өткізілетін дәстүрлер, әдет-ғұрыптар, ұлттық тағамдар туралы әңгімеден бастады. Содан кейін мұражай қызметкерлері этномәдени киіз үйге экскурсия жасады. Балаларға бауырсақ дайындау бойынша шеберлік сағаты ұсынылып, ашытылған сүт өнімдері мен дәстүрлі тағам Наурыз көжеден дәм татуға берілді. Балалар «НАУРЫЗНАМАҒА» арналған викторинаға қызығушылықпен қатысты. Іс-шара соңында қатысушыларға тәтті тағамдар сыйланды, үйлеріне жақсы көңіл-күймен қайтты. |
