Қарабалық аудандық орталық кітапханасының қызметкерлері Мұхамеджан Сералиннің 150 жылдығына арналған "Қазақ журналистикасының атасы" телекөпіріне қатысты. Аталған іс-шараның ұйымдастырушысы "Фараб" Түркістан облыстық әмбебап ғылыми кітапханасы болды. Сондай-ақ, Л. Н.Толстой атындағы Қостанай облыстық әмбебап ғылыми кітапханасы қатысты.
Іс-шара барысында Қарабалық орталық аудандық кітапханасының қызметкерлері дайындаған көрнекті жерлестің өмірі мен қызметі туралы бейнеролик көрсетілді, содан кейін іс-шараға қатысушылар Мұхамеджан Сералиннің қоғам, журналистика, білім беруді дамытуға қосқан үлесі мен рөлі туралы көп айтты.
Іс-шара соңында кітапхана қызметкерлері ұйымдастырушыларға осы конференцияны өткізгені үшін үлкен алғыстарын білдірді. |