«Бірге оқимыз, дауыстап оқимыз» жобасы бойынша «Улыбка» бала бақшасында «Қасқыр, ұлу және соналар» атты француз ертегісі оқылды. Әдеттегідей, бүгін де ертегі дауыстап оқылып, ертегі мазмұны, мағынасы түсіндіріліп, ертегі кейіпкерлеріне мінездеме жасалды. Ертегі желісі бойынша қасқыр ұлу мен соналарға әлім-жетік көрсетіп, аяғымен басып кете береді. Ал, ұлу мен соналардың достығының арқасында олар қасқырдан құтылады.
Ертегі оқылған соң балалар аппликациялық жұмыс жасады. Ертегінің басты кейіпкерлері қасқыр, ұлу, сона, орман, өзенді ертегі бойынша жапсырды. Ертегінің мақсаты бүлдіршігдерді достыққа, бірлікке, ұйымшылдыққа тәрбиелеу. Сондай-ақ, ересек топтағы балалардың ертегіге деген қызығушылығын арттыру. Ұйымдастырылған жоба мемлекеттік тілді дамыту мақсатында іске асып жатыр. |
