15 қаңтар күні Қарабалық аудандық орталық кітапханасының қызметкерлері Халық суретшісі, Қазақ бейнелеу өнерінің негізін қалаушы Әбілхан Қастеевтің 120 жылдығына арналған «Халық суретшісі» атты портрет-кешін өткізді.
Іс-шараға М. Сералин атындағы ЖББМ оқушылары қатысты. Оқу залының кітапханашысы балаларды суретшінің өмірімен және шығармашылығымен таныстырды. «Қазақ халқының суретшісі – Әбілхан Қастеев» бейнеролигі көрсетілді. Сондай-ақ, өнерге қызығушылығы бар қатысушылар Қазақстанның табиғатын салуға тырысты. Іс-шара соңында кітапханашы «Әбілхан Қастеев. Ғасыр мұрасы» кітап көрмесіне шолу жасады, онда танымал қазақстандық өнертанушылардың кітаптары мен мақалалары, замандастарының Ә.Қастеевтің шығармашылығы туралы естеліктері ұсынылған. | 