Қазақ тілінің латынға көшу бойынша ақпараттың толық ашылуы үшін Новотроицк ауылдық кітапханасында «Латынға жол» атты стенд жабдықталды. Бүгінгі күні кітапханашы А.К. Жакупова өз аулының тұрғындарымен үнемі әңгімелесу өткізіп тұрады. Әмина Көшербайқызы өз әңгімелесулерінде Қазақстанның рухани жаңғыруының өзегі – қазақ тілінің латынға көшуі жайында, бұл өзгеріс мемлекеттік тілдің дамуына мықты серпіліс беретіні, қазақ тілін оқу қолжетімдірек болатыны, ал еліміз халықаралық бизнесті дамыту жағынан тартымдырақ болатыны туралы сөз қозғайды. Кітапханашы өз кездесулерінде ең бастысы әліпбиге көшудің кезең-кезеңмен болатынын тілге тиек етіп, келушілерді жаңа әліпбимен таныстырады. Қажет деп тапқандарға бүктемелер таратады. |