"Парасат жолы" жобасы аясында Қарабалық аудандық орталық кітапханасында "Сыбайлас жемқорлық – әлеуметтік зұлымдық" атты кітап көрмесі ұйымдастырылды.
Бұл көрменің мақсаты –қоғамда сыбайлас жемқорлыққа теріс көзқарасты тәрбиелеу, азаматтық қоғамды адалдық пен ашықтық қағидаттарын қалыптастыруға тарту.
Көрме төрт бөлімнен тұрады. БІРІНШІ БӨЛІМ "Парасат жолы-парасаттылық жолы". Мұнда "Парасат жолы" орталығын реттейтін ресми құжаттар ұсынылды. Екінші бөлім "БАҚ беттерінен" мұнда мерзімді басылымдардың беттерінде сыбайлас жемқорлыққа қарсы күрес мәселелері туралы жарияланған мақалалар қойылды. "Көркем әдебиеттегі сыбайлас жемқорлық" атты үшінші бөлімде өз ұрпағын "адал адам болуға" шақырған ұлы Абайдың асыл мұрасы, парасаттылықты, адалдықты, әділдікті, тәрбиелейтін жазушылардың көркем шығармалары ұсынылған. Дала ойшылы, философ, ақын Шәкәрім Құдайбердиевтің адалдық, әділдік, парасаттылық, сенім сияқты асыл қасиеттерді дәріптеген еңбектері. Төртінші бөлім "Сыбайлас жемқорлық туралы жария ету" яғни, мұнда оқырмандар QR кодының көмегімен кітапханаларда өткізілген сыбайлас жемқорлыққа қарсы іс-шаралармен таныса алады. |
