Тұғырлы Тәуелсіздік мерекесі қарсаңында М.Сералин атындағы мектеп оқушыларына «Желтоқсан желі ызғарлы» атты тарих сағаты болып өтті. Тәуелсіздік алған жылдан осы уақытқа дейінгі жетістіктер жайында, тарих тағлымы, ауыр кезеңдер, жемісті жылдар жайында ақпарат айтылды. Тәуелсіз Қазақстанның әлемде ойып алар орны, кемеңгер қолбасшысы, айқын тарихы бар.
Тәуелсіз елдің ең басты тұғыры ол қоғамның, сол мемлекеттегі жергілікті ұлттың рухы, жігері, қоғамдық санасы. Басты байлық жай ұлттық мүдде емес, азаматтардың мүддесі мен қажеттілігі. Жаңа әлемдегі жаңа Қазақстанның бүгінгі құдіретті күші ел бірлігінде, ұлттар татулығында жатыр. Қазақстан үшін ХХI ғасыр тарихының парағы парасат пен пайымға толы.
Тәуелсіздігіміз, бейбітшілігіміз мәңгілік болсын! |
