Округ тұрғындарымен қазақ тілін латын әліпбиіне көшіру бойынша жұмысын жалғастыра отырып, Приречный ауылдық кітапханасының кітапханашысы Л.Н. Мельникова ауыл әкімдігінде әңгімелесу өткізді. Тыңдаушылар әкімдіктің қызметкерлері және келушілер болды. Әңгіме барысында кітапханашы қатысушыларды жаңа қазақ әліпбиімен таныстырды, буклеттер таратылды. Қазақ тілін латын әліпбиіне ауыстыру, ең алдымен, оны танымал етіп қана қоймай, шекараны кеңейтуге, қазақ және ағылшын тілдерін үйренуге көмектеседі деп айтылды. Көпшілікті қазақ тілін латын әліпбиіне аударудың қаржылық және құжаттарды ауыстыру мәселесі қызығушылық тудырды. Кітапханашы барлық сұрақтарға жауап берді. |