 Қарабалық жері дарынды адамдарға өте бай. Осы жылы біз тұңғыш қазақ журналисі, педагог, ағартушы М. Сералиннің 145 жылдығын атап өтудеміз. Күзгі күндердің бірінде Орталық аудандық кітапхана осы мерейтойға арналған көлемі бойынша орасан зор іс-шара өткізіп шақырылған қонақтарын таңқалдырды.
«Рухани жаңғыру» бағдарлама аясында ұйымдастырылған тақырыптық кеш АМҮ, мұражай және аудандық кітапхана қызметкерлерінің белсенді қатысуымен өткізуге жоспарланды. Іс-шара атақты жерлесіміздің өмірі мен еңбек еткен уақытын және тұрмыс тіршілігін бейнелейтін жәдігерлер аясында мұражайдың қабырғаларында өтті. Ақынның өмірбаяны, орындалған әндер, өлеңдер іс-шара қатысушыларының алдында ағартушының жарқын бейнесін көз алдыға елестеткендей болды.
Біздің атақты жерлесіміз М. Сералин туралы ақпарат іздейтіндерді орталық аудандық кітапханаға келуге және bibkr.ucoz.ru кітапхана сайтына кіруге болады. | 